Kaltash Wawa Sp. Ed. – chako paia kanawi kah british kolombia ilihi x

chako paia ayu ilihi kanawi kah kopa british kolombia. ukuk paia mamuk kakshit ayu oihat, ayu haws, pi ayu brich. nawitka wik saia chako ilo skoch krik tawn, skwailaks, pi kwawt kopa shushwap. wiht kopa okanagan, wik saia ukuk paia klatwa drit kopa kilona tawn.

pi alta wik saia ukuk shushwap paia kopa sorinto tawn pi tyurtil vali. klunas 3000 tilikom mash klaska haws kopa shushwap. kansih tilikom mash skoch krik tawn kopa bot: wik saia chako paia ukuk skoch krik brich. kakwa, wik kata pus klaska mash kopa tsiktsik. x wiht chako paia ukuk aias oihat kanamokst kopa chis pi sorinto tawn . nanich:

Situation between Sorrento and Chase, where there’s a number of smaller communities north and west of Shuswap Lake, looks quite bad pic.twitter.com/FF0PCzRiJQ

— Justin McElroy (@j_mcelroy) August 19, 2023

govmin wawa tilikom pus ilo klaska klatwa nanich ukuk tawn kopa shushwap pi okanagan. pi wiht klaska wawa saia ilihi tilikom pus ilo klaska slip kopa makmak haws kopa iawa ilihi. taii govmin tilikom klaska tiki pus ukuk tilikom klaska mash klaska haws kopa skoch krik ITS tlap haws kah klaska slip. x

ayu smok mitlait kanawi kah. iakwa kopa vankuvir wiht ayu smok. nanich ukuk piktyur kopa kikuli kata ukuk smok kopa bisi.

klunas 35000 tilikom alta kopa british kolombia ilihi mash klaska haws kanawi. pi wiht 36000 tilikom wik saia klaska mash klaska haws: pus chako wik saia ukuk paia, pi klaska mash klaska haws. x