Little Red Riding Hood

Today we have another fairy tale! This time it’s “Little Red Cap”, or perhaps better known in the Anglophone world of today as “Little Red Riding Hood”.

This post uses the David Corbett’s Chinuk Pipa font. To view it properly you must have the font installed. See instruction to install the font here. If you’re on mobile you’ll be able to read the chinuk pipa here.

If you can’t read Chinuk Pipa or get stuck no need to worry! You can follow along with the transcription/translation below.

If you’re already looking at the transcription but haven’t learned Chinuk Pipa, why not try to follow along with the Chinuk Pipa! See a guide to Chinuk Pipa here.

With all that in mind, let’s get started:

---

𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆

𛱁𛰆𛱇𛰅𛰜 𛰅𛱄𛰈 𛱊𛱁‌𛰅𛱁 𛰙𛱁‌𛰙𛱛𛰅 𛱛‌𛰅𛱛𛰅 𛰜𛱇𛱇‌𛰜𛱇𛰙 𛰅𛱄‌𛰂𛱁 𛰣𛱇‌𛰚𛱛𛰅

𛰅𛰆𛱁𛰜‌𛰅𛱁 𛰙𛱆𛰃‌𛰆𛱂𛱆𛰃 𛱁𛰚‌𛰅𛱁‌𛰃𛱇 𛰅𛱄‌𛰂𛱁 𛱆𛰀𛰃 𛰃𛱂‌𛰚𛱁𛰜 𛰃𛱚𛰚. 𛱆𛰀𛰃 𛰃𛱂‌𛰚𛱁𛰜 𛰅𛰆𛱛𛰣‌𛰙𛱇𛰚 𛰂𛱆 𛱊𛱁‌𛰅𛱁 𛰃𛱇‌𛰆𛱇‌𛰅𛱄𛰙. 𛰅𛱁‌𛰚𛱁‌𛱞 𛰃𛱇‌𛰆𛱇‌𛰅𛱄𛰙 𛰅𛱄‌𛰂𛱁 𛱛‌𛰅𛱛𛰅 𛰃𛱚𛰚 𛱁‌𛱊𛱁𛰜 𛰃𛱇‌𛰅𛱆 𛱛‌𛰅𛱛𛰅 𛰃𛱂‌𛰚𛱁𛰜 𛰅𛰆𛱛𛰣‌𛰙𛱇𛰚. 𛱛‌𛰅𛱛𛰅 𛰃𛱂‌𛰚𛱁𛰜 𛰅𛰆𛱛𛰣‌𛰙𛱇𛰚 𛱊𛱁‌𛰅𛱁 𛰙𛱁‌𛰙𛱁 𛱊𛱁‌𛰅𛱁 𛰙𛱁‌𛰙𛱁 𛰈𛰋𛱇𛰃 𛱁‌𛱊𛱁𛰜 𛰃𛱇‌𛰅𛱆 𛱊𛱁‌𛰅𛱁. 𛰅𛱁‌𛰚𛱁‌𛱞 𛱆𛰅‌𛰃𛱂 𛱛‌𛰅𛱛𛰅 𛰃𛱂‌𛰚𛱁𛰜 𛰅𛰆𛱛𛰣‌𛰙𛱇𛰚 𛰃𛱇‌𛰅𛱆, 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛰂𛱁‌𛰃𛰆𛱁𛰣 𛰅𛱄‌𛰂𛱁 𛱊𛱁‌𛰅𛱁. 𛱆𛰀𛰃 𛰜𛱄𛰚 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛰂𛱁‌𛰃𛰆𛱁𛰣 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛰅𛱄‌𛰂𛱁 𛱛‌𛰅𛱛𛰅 𛰃𛱂‌𛰚𛱁𛰜 𛰅𛰆𛱛𛰣‌𛰙𛱇𛰚. 𛱁‌𛱊𛱁𛰜 𛱊𛱁‌𛰅𛱁 𛰃𛱇‌𛰅𛱆 𛱛‌𛰅𛱛𛰅 𛰜𛱇𛱂‌𛰂𛱛𛰆 𛰂𛱆 𛰅𛱜‌𛰚𛱇‌𛰜𛱇𛰙 𛱊𛱁‌𛰅𛱁 𛰆𛱄͏͏͏‌𛰆𛱄͏͏͏. 𛰅𛱄‌𛰂𛱁 𛱛‌𛰅𛱛𛰅, 𛰃𛱇‌𛰆𛱇‌𛰅𛱄𛰙 𛰙𛱁‌𛰙𛱛𛰅 𛰚𛱇𛰙 𛱛‌𛰅𛱛𛰅 𛰅𛰆𛱛𛰣‌𛰙𛱇𛰚 «𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆».

𛱆𛰀𛰃 𛰜𛱄𛰚, 𛱛‌𛰅𛱛𛰅 𛰃𛱂‌𛰚𛱁𛰜 𛰅𛰆𛱛𛰣‌𛰙𛱇𛰚 𛱊𛱁‌𛰅𛱁 𛰙𛱁‌𛰙𛱁 𛱜‌𛱜 𛱊𛱁‌𛰅𛱁 “𛰣𛱁‌𛰅𛱄, 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆. 𛱇𛰜‌𛰅𛱄𛰙 𛱛‌𛰅𛱛𛰅 𛰅𛱆𛰅 𛰂𛱆 𛱜͏͏͏𛱊𛰚. 𛰆𛱄͏͏͏‌𛰆𛱄͏͏͏ 𛰅𛱄‌𛰂𛱁 𛰚𛱁𛱋‌𛰅𛱁 𛰙𛱁‌𛰙𛱁. 𛰜𛱇𛰅 𛱊𛱁‌𛰅𛱁. 𛱇𛰆𛱄͏͏͏ 𛰜𛰅𛱛‌𛰅𛱛𛰙. 𛰅𛰆𛱛͏͏͏‌𛰚𛱁𛰜 𛱛‌𛰅𛱛𛰅 𛰙𛱁𛰅‌𛰙𛱁𛰅 𛰙𛱁‌𛰙𛱛𛰅 𛰃𛱂‌𛰚𛱁𛰜 𛰃𛰆𛱛𛰜 𛱊𛱁‌𛰅𛱁. 𛰃𛰆𛱛𛰜 𛱁‌𛱊𛱁𛰅 𛰙𛱁𛱆‌𛰅𛱁 𛰅𛰆𛱂‌𛰃𛱜͏͏͏, 𛰂𛱛͏͏͏𛰜 𛱇𛰆𛱄͏͏͏ 𛱜͏͏͏𛰙. 𛰂𛱛͏͏͏𛰜 𛰙𛱁𛱆‌𛰅𛱁 𛰅𛰆𛱂‌𛰃𛱜͏͏͏, 𛰃𛰆𛱛𛰜 𛰚𛱁‌𛰚𛱇𛰣 𛰂𛱆 𛱇𛰆𛱄͏͏͏ 𛰅𛱁𛰆‌𛰃𛱁𛰛 𛰅𛱛‌𛰆𛱇 𛰜𛱁‌𛱊𛱁 𛰅𛱄‌𛰂𛱁 𛱄𛱇‌𛰀𛱁𛰃. 𛰂𛱛͏͏͏𛰜 𛰙𛱁𛱆‌𛰅𛱁 𛰙𛱁‌𛰙𛱛𛰅 𛰅𛱁‌𛰅𛱜, 𛰅𛰆𛱛͏͏͏‌𛰚𛱁𛰜 𛱛‌𛰅𛱛𛰅 𛰙𛱁𛰅‌𛰙𛱁𛰅 𛰣𛱁‌𛰅𛱄 𛰆𛱄𛰜𛰃 𛰂𛱆 𛱇𛰆𛱄͏͏͏ 𛱆𛰅‌𛰃𛱂 𛰚𛱁𛱋‌𛰅𛱁 𛰙𛱁‌𛰙𛱁 𛰃𛰆𛱁𛰂. 𛰂𛱛͏͏͏𛰜 𛰙𛱁𛱆‌𛰅𛱁 𛰅𛰆𛱂‌𛰃𛱜͏͏͏ 𛱇𛰚𛰜𛱁𛱆𛰈 𛰅𛱄‌𛰂𛱁 𛱊𛱁‌𛰅𛱁 𛰋𛱛𛰙, 𛰃𛰆𛱛𛰜 𛰙𛱁𛱆‌𛰅𛱁 𛱜‌𛱜 𛰅𛰆𛱂‌𛰀𛱚‌𛱊𛱁𛰙 𛰂𛱆 𛱇𛰆𛱄͏͏͏ 𛰚𛱁‌𛰚𛱇𛰣 𛰅𛱁‌𛰚𛱁‌𛱞 𛰅𛱁𛰀.”

“𛰚𛱁‌𛱞‌𛰃𛰅𛱁, 𛰙𛱁‌𛰙𛱁, 𛰚𛱁𛱋‌𛰅𛱁 𛰃𛰆𛱛𛰜 𛰚𛱁‌𛰚𛱇𛰣 𛰂𛱆 𛰙𛱁‌𛰙𛱛𛰅 𛰅𛱁‌𛰅𛱜.”

𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛰙𛱆𛰃‌𛰆𛱂𛱆𛰃 𛰜𛱁‌𛱊𛱁 𛰅𛱄‌𛰂𛱁 𛰃𛱚𛰚, 𛰅𛱄‌𛰂𛱁 𛰜𛰃𛱇𛰅. 𛰣𛱇 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛰃𛰆𛱁𛰂 𛱛‌𛰅𛱛𛰅 𛰜𛰃𛱇𛰅, 𛱝𛰆𛰄 𛰣𛱁‌𛰅𛱄 𛰚𛱁‌𛰚𛱇𛰣 𛱊𛱁‌𛰅𛱁. 𛱇𛰆𛱄͏͏͏ 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛰅𛱄𛰙‌𛰃𛱁𛰅𛰜 𛰅𛱁‌𛰃𛱂 𛰙𛱁‌𛰜𛱁‌𛰣𛱇 𛱛‌𛰅𛱛𛰅 𛱝𛰆𛰄. 𛱇𛰆𛱄͏͏͏ 𛰅𛱜͏͏͏𛰛 𛱊𛱁‌𛰅𛱁.

𛱛‌𛰅𛱛𛰅 𛱝𛰆𛰄 𛱜‌𛱜 “𛰅𛰆𛱂‌𛰀𛱚‌𛱊𛱁𛰙, 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆.”

“𛱄 𛰚𛱁𛱋‌𛰅𛱁 𛱜‌𛱜 𛰅𛰆𛱂‌𛰀𛱚‌𛱊𛱁𛰙 𛰅𛱄‌𛰂𛱁 𛰙𛱁𛱆‌𛰅𛱁 𛱞𛰀𛰃, 𛱝𛰆𛰄.”

“𛰅𛱁𛰀 𛰙𛱁𛱆‌𛰅𛱁 𛰅𛰆𛱂‌𛰃𛱜͏͏͏ 𛱛‌𛰅𛱛𛰅 𛰃𛱂‌𛰚𛱁𛰜 𛰜𛱄𛰚, 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆”

“𛰅𛱄‌𛰂𛱁 𛰚𛱁𛱋‌𛰅𛱁 𛰙𛱁‌𛰙𛱁 𛱊𛱁‌𛰅𛱁 𛰙𛱁‌𛰙𛱁 𛱊𛱁‌𛰅𛱁 𛰀𛱚𛰜.”

“𛰂𛱆 𛱆𛰅‌𛰃𛱂 𛰙𛱁𛱆‌𛰅𛱁 𛰆𛱄͏͏͏‌𛰆𛱄͏͏͏?”

“𛰅𛱆𛰅 𛰂𛱆 𛱜͏͏͏𛱊𛰚. 𛰆𛱁𛰜𛰃 𛰃𛱂‌𛰚𛱁𛰜 𛰜𛱄𛰚 𛰚𛰜𛱁𛱆‌𛰅𛱁 𛰙𛱁‌𛰙𛱛𛰅 𛱛‌𛰅𛱛𛰅 𛰅𛱆𛰅 𛰂𛱛͏͏͏𛰜 𛰂𛱁‌𛰃𛰆𛱁𛰣 𛰅𛱄‌𛰂𛱁 𛰚𛱁𛱋‌𛰅𛱁 𛰙𛱁‌𛰙𛱁 𛱊𛱁‌𛰅𛱁 𛰙𛱁‌𛰙𛱁. 𛰜𛱇𛰅 𛱊𛱁‌𛰅𛱁. 𛰅𛰆𛱛͏͏͏‌𛰚𛱁𛰜 𛱊𛱁‌𛰅𛱁 𛰣𛱁‌𛰅𛱄 𛰃𛱂‌𛰚𛱁𛰜 𛰃𛰆𛱛𛰜 𛰂𛱛͏͏͏𛰜 𛱊𛱁‌𛰅𛱁 𛰙𛱁𛰅‌𛰙𛱁𛰅.”

“𛰅𛱁𛰀 𛰙𛱆𛰃‌𛰆𛱂𛱆𛰃 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚, 𛱄 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆?”

“𛰅𛰆𛱛͏͏͏‌𛰚𛱁𛰜 𛱆𛰀𛰃 𛰙𛱁𛱆𛰆 𛰜𛱁‌𛱊𛱁, 𛰅𛱄‌𛰂𛱁 𛰜𛰃𛱇𛰅. 𛰅𛱁‌𛰚𛱁‌𛱞 𛰋𛱚𛰚 𛱛‌𛰅𛱛𛰅 𛰀𛱚𛰜 𛰙𛱆𛰃‌𛰆𛱂𛱆𛰃 𛰃𛰆𛱛𛰚 𛱁‌𛱊𛱁𛰜 𛰜𛰃𛱇𛰅, 𛱁‌𛱊𛱁𛰜 𛱄͏͏͏𛰅 𛰜𛰃𛱇𛰅. 𛰙𛱁𛱆‌𛰅𛱁 𛰅𛱄𛰙‌𛰃𛱁𛰅𛰜?” 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛱜‌𛱜.

𛱝𛰆𛰄 𛰃𛱄𛰙‌𛰃𛱄𛰙 “𛰅𛱁‌𛰃𛱂 𛰃𛰆𛱛𛰜 𛱊𛱁‌𛰅𛱁 𛰃𛱄𛰙‌𛰃𛱄𛰙 𛱛‌𛰅𛱛𛰅 𛰃𛱂‌𛰚𛱁𛰜 𛰅𛰆𛱛𛰣‌𛰙𛱇𛰚. 𛰅𛱁‌𛰃𛱂 𛰃𛰆𛱛𛰜 𛱞𛰀𛰃 𛱊𛱁‌𛰅𛱁 𛱆‌𛰃𛰆𛱛 𛱇𛰗 𛰅𛱄‌𛰂𛱁 𛰙𛱁𛰅‌𛰙𛱁𛰅! 𛰚𛱁𛱋‌𛰅𛱁 𛰃𛱄𛰙‌𛰃𛱄𛰙 𛱇𛰆𛱇𛰂 𛰃𛰆𛱛𛰜 𛰅𛱄‌𛰂𛱁 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚. 𛰃𛰆𛱛𛰜 𛰂𛱛͏͏͏𛰜 𛰚𛱁𛱋‌𛰅𛱁 𛰙𛱁‌𛰙𛱛𛰅 𛰂𛱛͏͏͏𛰜 𛱛‌𛰅𛱛𛰅 𛰙𛱄𛰅𛰜𛰃 𛰅𛰆𛱛𛰣‌𛰙𛱇𛰚 𛰚𛱁𛱋‌𛰅𛱁 𛰙𛱁𛰅‌𛰙𛱁𛰅.”

𛱊𛱁‌𛱜 𛱊𛱁‌𛰅𛱁 𛰅𛱛‌𛰆𛱇 𛰃𛱂‌𛰚𛱁𛰜 𛰜𛱁‌𛱊𛱁, 𛰅𛱁‌𛰚𛱁‌𛰙𛱄𛰅𛰜𛰃 𛰅𛱄‌𛰂𛱁 𛱛‌𛰅𛱛𛰅 𛰃𛱂‌𛰚𛱁𛰜 𛰅𛰆𛱛𛰣‌𛰙𛱇𛰚. 𛰂𛱆 𛱊𛱁‌𛰅𛱁 𛱜‌𛱜 “𛰚𛱁‌𛰚𛱇𛰣, 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆, 𛰅𛱁‌𛰃𛱂 𛰃𛰆𛱛𛰜 𛱛‌𛰅𛱛𛰅 𛰄𛰆𛱚𛱆𛰋𛰜 𛰅𛱄‌𛰂𛱁 𛱊𛱁‌𛰅𛱜. 𛰃𛰆𛱛𛰜 𛰙𛱁𛱆‌𛰅𛱁 𛰅𛰆𛱂‌𛰃𛱜͏͏͏ 𛰚𛱁‌𛰚𛱇𛰣. 𛰃𛰆𛱛𛰜 𛱞𛰀𛰃 𛰙𛱁𛱆‌𛰅𛱁 𛰔𛱄‌𛰆𛱁𛰚 𛰅𛱁‌𛰚𛱁‌𛱞 𛱛‌𛰅𛱛𛰅 𛰅𛱁𛰆𛱂‌𛰅𛱁𛰆𛱂 𛰅𛰆𛱁𛰜‌𛰅𛱁 𛰛𛱁𛰚‌𛰃𛱇. 𛰃𛰆𛱛𛰜 𛱇𛰆𛱄͏͏͏ 𛰙𛱁𛱆‌𛰅𛱁 𛰅𛱜‌𛰚𛱇‌𛰜𛱇𛰙 𛰃𛰆𛱛𛰜 𛰚𛱁‌𛰚𛱇𛰣 𛰅𛱁‌𛰅𛱜. 𛰅𛱁‌𛰚𛱁‌𛱞 𛱆𛰅‌𛰃𛱂 𛰃𛰆𛱛𛰜 𛰅𛱄‌𛰂𛱁 𛱛‌𛰅𛱛𛰅 𛰜𛰃𛱇𛰅.”

𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛰚𛱁‌𛰚𛱇𛰣 𛰜𛱁‌𛰀𛱁‌𛰆𛱇. 𛱊𛱁‌𛰅𛱁 𛰚𛱁‌𛰚𛱇𛰣 𛰜𛱄𛰚 𛰂𛱆 𛰜𛰃𛱇𛰅 𛰂𛱆 𛰜𛰂𛱁‌𛰅𛰋𛱁𛰙 𛰅𛱁‌𛰚𛱁‌𛱞 𛰅𛱁𛰀. 𛱊𛱁‌𛰅𛱁 𛰃𛱄𛰙‌𛰃𛱄𛰙 “𛰅𛰆𛱛͏͏͏‌𛰚𛱁𛰜 𛰚𛱁𛱋‌𛰅𛱁 𛱇𛰜‌𛰅𛱄𛰙 𛰃𛰆𛱛𛰜 𛰜𛰂𛱁‌𛰅𛰋𛱁𛰙 𛰅𛱄‌𛰂𛱁 𛰚𛱁𛱋‌𛰅𛱁 𛰙𛱁‌𛰙𛱁 𛱊𛱁‌𛰅𛱁 𛰙𛱁‌𛰙𛱁. 𛰅𛱁‌𛰅𛱜 𛱊𛱁‌𛰅𛱁 𛰃𛰆𛱁𛰂 𛰃𛰆𛱛𛰜 𛰃𛱄𛰙‌𛰃𛱄𛰙. 𛰈𛰋𛱇𛰃 𛰃𛱂‌𛰚𛱁𛰜 𛰜𛱄𛰚 𛱁𛰆‌𛰃𛱂 𛰂𛱆 𛱞͏͏͏𛰅 𛰜𛱁‌𛱊𛱁 𛰚𛱁𛱋‌𛰅𛱁 𛰅𛱄‌𛰂𛱁 𛱊𛱁‌𛰅𛱁 𛰀𛱚𛰜. 𛱇𛰆𛱄͏͏͏ 𛰚𛱁𛱋‌𛰅𛱁 𛰃𛱛͏͏͏‌𛰆𛱇𛰃 𛰂𛱛͏͏͏𛰜 𛰚𛱁𛱋‌𛰅𛱁 𛰙𛱁‌𛰙𛱛𛰅 𛰅𛱁‌𛰅𛱜.” 𛰂𛱆 𛱊𛱁‌𛰅𛱁 𛰅𛱛‌𛰆𛱇 𛰃𛱂‌𛰚𛱁𛰜 𛰜𛱁‌𛱊𛱁 𛰅𛱄‌𛰂𛱁 𛱄𛱇‌𛰀𛱁𛰃 𛱇𛰜‌𛰅𛱄𛰙 𛰄𛰆𛱚𛱆𛰋𛰜. 𛰂𛱛͏͏͏𛰜 𛱊𛱁‌𛰅𛱁 𛰃𛰆𛱁𛰂 𛱆𛰀𛰃 𛰄𛰆𛱚𛱆𛰋𛰜, 𛱊𛱁‌𛰅𛱁 𛰃𛱄𛰙‌𛰃𛱄𛰙 𛰅𛰆𛱛͏͏͏‌𛰚𛱁𛰜 𛱆𛰀𛰃 𛱇𛰆𛱇𛰂 𛰃𛰆𛱛𛰜 𛰄𛰆𛱚𛱆𛰋𛰜 𛰙𛱆𛰃‌𛰆𛱂𛱆𛰃. 𛰅𛱁‌𛰅𛱜 𛰜𛱁‌𛱊𛱁 𛱊𛱁‌𛰅𛱁 𛰅𛰆𛱂‌𛰃𛱜͏͏͏ 𛰅𛱄‌𛰂𛱁 𛱛‌𛰅𛱛𛰅 𛰜𛰃𛱇𛰅.

𛰂𛱛͏͏͏𛰜 𛱊𛱁‌𛰅𛱁 𛱇𛰜‌𛰅𛱄𛰙 𛱛‌𛰅𛱛𛰅 𛰄𛰆𛱚𛱆𛰋𛰜, 𛱛‌𛰅𛱛𛰅 𛱝𛰆𛰄 𛱁‌𛱊𛱁𛰅 𛰅𛱛‌𛰆𛱇 𛰅𛱄‌𛰂𛱁 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛱊𛱁‌𛰅𛱁 𛰀𛱚𛰜. 𛱊𛱁‌𛰅𛱁 𛰅𛰆𛱂‌𛰃𛱜͏͏͏ 𛱞͏͏͏𛰅 𛰜𛱁‌𛱊𛱁 𛰅𛱄‌𛰂𛱁 𛰆𛱂‌𛰂𛱄𛰋𛰃 𛰂𛱆 𛱜‌𛱜 𛰅𛰆𛱂‌𛰀𛱚‌𛱊𛱁𛰙.

“𛰅𛰆𛱁𛰅‌𛰜𛰃𛱂 𛰙𛱁𛱆‌𛰅𛱁?” 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛱊𛱁‌𛰅𛱁 𛱁𛰜𛰅.

“𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛰚𛱁𛱋‌𛰅𛱁. 𛰚𛱁𛱋‌𛰅𛱁 𛰆𛱄͏͏͏‌𛰆𛱄͏͏͏ 𛰅𛱆𛰅 𛰂𛱆 𛱜͏͏͏𛱊𛰚 𛰅𛱄‌𛰂𛱁 𛰙𛱁𛱆‌𛰅𛱁. 𛰃𛰆𛱛𛰜 𛰙𛱁𛱆‌𛰅𛱁 𛰀𛱁‌𛰆𛱁𛰅 𛰆𛱂‌𛰂𛱄𛰋𛰃.”

𛰂𛱆 𛱝𛰆𛰄 𛰀𛱁‌𛰆𛱁𛰅 𛰆𛱂‌𛰂𛱄𛰋𛰃 𛰂𛱆 𛱊𛱁‌𛰅𛱁 𛱁‌𛱊𛱁𛰅 𛰅𛱛‌𛰆𛱇 𛰅𛱄‌𛰂𛱁 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛱊𛱁‌𛰅𛱁 𛰇𛱆𛰈. 𛱊𛱁‌𛰅𛱁 𛰙𛱁𛰅‌𛰙𛱁𛰅 𛱊𛱁‌𛰅𛱁. 𛰂𛱆 𛱊𛱁‌𛰅𛱁 𛱇𛰜‌𛰅𛱄𛰙 𛱊𛱁‌𛰅𛱁 𛱆𛰅‌𛰃𛱁𛰜. 𛱁𛰆‌𛰃𛱂 𛱊𛱁‌𛰅𛱁 𛰆𛱄͏͏͏‌𛰆𛱄͏͏͏ 𛱊𛱁‌𛰅𛱁 𛱆𛰅‌𛰃𛱁𛰜 𛰂𛱆 𛰆𛱇 𛰈𛱚𛰚 𛰅𛱄‌𛰂𛱁 𛱊𛱁‌𛰅𛱁 𛰇𛱆𛰈. 𛱊𛱁‌𛰅𛱁 𛰙𛱁‌𛰙𛱛𛰅 𛱆𛰂‌𛰜𛱛𛰃 𛱛‌𛰅𛱛𛰅 𛱞𛰚𛰈𛱄͏͏͏.

𛰈𛰋𛱇𛰃 𛱁‌𛱑 𛰄𛰆𛱚𛱆𛰋𛰜 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛱊𛱁‌𛰅𛱁 𛱇𛰜‌𛰅𛱄𛰙. 𛱞͏͏͏𛰅 𛰅𛱁‌𛰃𛱂 𛰂𛱛͏͏͏𛰜 𛱊𛱁‌𛰅𛱁 𛰆𛱄͏͏͏‌𛰆𛱄͏͏͏ 𛰅𛱁‌𛰚𛱁‌𛱞 𛱛‌𛰅𛱛𛰅 𛰄𛰆𛱚𛱆𛰋𛰜. 𛰂𛱆 𛱊𛱁‌𛰅𛱁 𛰃𛱄𛰙‌𛰃𛱄𛰙 “𛱄 𛰃𛰆𛱛𛰜 𛰚𛱁𛱋‌𛰅𛱁 𛰅𛱛‌𛰆𛱇 𛱁𛰆‌𛰃𛱂 𛰅𛱄‌𛰂𛱁 𛰚𛱁𛱋‌𛰅𛱁 𛰙𛱁‌𛰙𛱁 𛱊𛱁‌𛰅𛱁 𛰙𛱁‌𛰙𛱁. 𛱞͏͏͏𛰅 𛰜𛱁‌𛱊𛱁 𛰚𛱁𛱋‌𛰅𛱁 𛰙𛱁𛰛 𛰃𛱄𛰙‌𛰃𛱄𛰙.” 𛰂𛱆 𛱊𛱁‌𛰅𛱁 𛰅𛱛‌𛰆𛱇.

𛰂𛱛͏͏͏𛰜 𛱊𛱁‌𛰅𛱁 𛰔𛱄 𛰅𛱄‌𛰂𛱁 𛱛‌𛰅𛱛𛰅 𛰀𛱚𛰜, 𛱊𛱁‌𛰅𛱁 𛰚𛱁‌𛰚𛱇𛰣 𛱛‌𛰅𛱛𛰅 𛰆𛱂‌𛰂𛱄𛰋𛰃. 𛰀𛱁‌𛰆𛱁𛰅 𛱛‌𛰅𛱛𛰅. 𛱊𛱁‌𛰅𛱁 𛰣𛱁‌𛰅𛱄 𛰃𛱂‌𛰚𛱁𛰜 𛰅𛱜͏͏͏𛰛 𛰂𛱆 𛱜‌𛱜 “𛱄, 𛰅𛱁‌𛰃𛱂 𛰅𛱜͏͏͏𛰛 𛰚𛱁𛱋‌𛰅𛱁. 𛰅𛱜‌𛰚𛱇‌𛰜𛱇𛰙 𛱁𛰚‌𛰅𛱁‌𛰃𛱇 𛰚𛱁𛱋‌𛰅𛱁 𛰃𛰆𛱛𛰜 𛰃𛱄𛰙‌𛰃𛱄𛰙 𛰂𛱛͏͏͏𛰜 𛰚𛱁𛱋‌𛰅𛱁 𛰚𛱁‌𛰚𛱇𛰣 𛱛‌𛰅𛱛𛰅 𛰀𛱚𛰜, 𛰂𛱆 𛱇𛰆𛱄͏͏͏ 𛰅𛱁‌𛰅𛱜 𛰚𛱁𛱋‌𛰅𛱁 𛰃𛱄𛰙‌𛰃𛱄𛰙 𛱛‌𛰅𛱛𛰅 𛰜𛱄𛰚.”

𛱊𛱁‌𛰅𛱁 𛱜‌𛱜 𛰅𛰆𛱂‌𛰀𛱚‌𛱊𛱁𛰙 𛰂𛱆 𛱇𛰆𛱄͏͏͏ 𛰅𛰆𛱁𛰅‌𛰜𛰃𛱂 𛰅𛱆‌𛰆𛱂‌𛰂𛱂𛱆 𛱜‌𛱜. 𛱊𛱁‌𛱜 𛱊𛱁‌𛰅𛱁 𛰅𛰆𛱂‌𛰃𛱜͏͏͏ 𛱇𛰚𛰜𛱁𛱆𛰈 𛰂𛱆 𛰙𛱁‌𛰙𛱛𛰅 𛰀𛱁‌𛰆𛱁𛰅 𛱛‌𛰅𛱛𛰅 𛱞𛰚𛰈𛱄͏͏͏. 𛱊𛱁‌𛰅𛱁 𛰚𛱁‌𛰚𛱇𛰣 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛰅𛱄‌𛰂𛱁 𛰇𛱆𛰈. 𛱊𛱁‌𛰅𛱁 𛰜𛱇𛱂‌𛰂𛱛𛰆 𛰙𛱁‌𛰙𛱛𛰅 𛱆𛰂‌𛰜𛱛𛰃 𛰅𛱁‌𛰚𛱁‌𛱞 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛱊𛱁‌𛰅𛱁 𛰜𛱇𛱂‌𛰀𛱛𛰜.

“𛱄, 𛰅𛱁‌𛰃𛱂 𛱁‌𛱊𛱁𛰜 𛰙𛱁𛱆‌𛰅𛱁 𛰔𛱄‌𛰆𛱁𛰚!”

“𛱇𛰆𛱇𛰂 𛰃𛰆𛱛𛰜 𛰚𛱁𛱋‌𛰅𛱁 𛰔𛱄‌𛰆𛱁𛰚 𛱆𛰅‌𛰃𛱂 𛰙𛱁𛱆‌𛰅𛱁 𛱜‌𛱜, 𛰃𛱂‌𛰚𛱁𛰜.”

“𛰂𛱆 𛰅𛱁‌𛰃𛱂 𛱁‌𛱊𛱁𛰜 𛰙𛱁𛱆‌𛰅𛱁 𛱂𛱆!”

“𛱇𛰆𛱇𛰂 𛰃𛰆𛱛𛰜 𛰚𛱁𛱋‌𛰅𛱁 𛰚𛱁‌𛰚𛱇𛰣 𛰙𛱁𛱆‌𛰅𛱁, 𛱄 𛰃𛱂‌𛰚𛱁𛰜.”

“𛰂𛱆 𛰅𛱁‌𛰃𛱂 𛱁‌𛱊𛱁𛰜 𛱛‌𛰅𛱛𛰅 𛰙𛱁𛱆‌𛰅𛱁 𛰆𛱇‌𛰙𛱁!”

“𛱇𛰆𛱇𛰂 𛰃𛰆𛱛𛰜 𛰚𛱁𛱋‌𛰅𛱁 𛱇𛰜‌𛰅𛱄𛰙 𛰙𛱁𛱆‌𛰅𛱁 𛰆𛱇‌𛰙𛱁.”

“𛱄 𛰂𛱆 𛰅𛱁‌𛰃𛱂 𛱁‌𛱊𛱁𛰜 𛰙𛱁𛱆‌𛰅𛱁 𛰆𛱂‌𛰂𛱛𛰛!”

“𛱇𛰆𛱇𛰂 𛰃𛰆𛱛𛰜 𛰚𛱁𛱋‌𛰅𛱁 𛰙𛱁𛰅‌𛰙𛱁𛰅 𛰙𛱁𛱆‌𛰅𛱁!”

𛰣𛱇 𛰅𛱄‌𛰂𛱆𛰃 𛱛‌𛰅𛱛𛰅 𛱜‌𛱜, 𛱛‌𛰅𛱛𛰅 𛱝𛰆𛰄 𛱁‌𛱊𛱁𛰅 𛰅𛱛‌𛰆𛱇 𛰅𛰆𛱂‌𛰀𛱁‌𛰚𛱇 𛰅𛱄‌𛰂𛱁 𛰇𛱆𛰈 𛰂𛱆 𛱊𛱁‌𛰅𛱁 𛰙𛱁𛰅‌𛰙𛱁𛰅 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛰅𛱁‌𛰚𛱁‌𛱞.

𛰂𛱁𛰃𛰆 𛱛‌𛰅𛱛𛰅 𛰙𛱄𛰅𛰜𛰃 𛰅𛰆𛱛𛰥‌𛰙𛱇𛰚, 𛱞𛰀𛰃 𛱊𛱁‌𛰅𛱁 𛰆𛱇 𛰈𛱚𛰚 𛰅𛱄‌𛰂𛱁 𛰇𛱆𛰈 𛰂𛱆 𛱊𛱁‌𛰅𛱁 𛰜𛰆𛱇𛰂.

𛰂𛱛͏͏͏𛰜 𛱛‌𛰅𛱛𛰅 𛱝𛰆𛰄 𛰣𛱁‌𛰅𛱄 𛰜𛰆𛱇𛰂, 𛱆𛰀𛰃 𛰙𛱁𛰚 𛰅𛱛‌𛰆𛱇 𛰅𛱄‌𛰂𛱁 𛰜𛰃𛱇𛰅 𛱞͏͏͏𛰅 𛰜𛱁‌𛱊𛱁. 𛱊𛱁‌𛰅𛱁 𛰀𛱁𛰚𛰃. 𛱊𛱁‌𛰅𛱁 𛰔𛱄‌𛰆𛱁𛰚 𛱛‌𛰅𛱛𛰅 𛱝͏͏͏𛰆𛰄 𛱜‌𛱜 𛰂𛱛͏͏͏𛰜 𛱊𛱁‌𛰅𛱁 𛰜𛰆𛱇𛰂. “𛰅𛱁‌𛰃𛱂 𛰜𛰅𛱛‌𛰅𛱛𛰙 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛱜‌𛱜 𛰅𛱄‌𛰂𛱁 𛰜𛰆𛱇𛰂! 𛰃𛰆𛱛𛰜 𛰂𛱛͏͏͏𛰜 𛰚𛱁𛱋‌𛰅𛱁 𛰅𛰆𛱂‌𛰃𛱜͏͏͏ 𛰚𛱁‌𛰚𛱇𛰣 𛱊𛱁‌𛰅𛱁. 𛰅𛰆𛱛͏͏͏‌𛰚𛱁𛰜 𛰜𛱇𛰅 𛱊𛱁‌𛰅𛱁.”

𛰣𛱇 𛱊𛱁‌𛰅𛱁 𛰅𛰆𛱂‌𛰃𛱜͏͏͏ 𛱇𛰚𛰜𛱁𛱆𛰈 𛰅𛱄‌𛰂𛱁 𛱛‌𛰅𛱛𛰅 𛰀𛱚𛰜, 𛱊𛱁‌𛰅𛱁 𛰅𛰆𛱂‌𛰃𛱜͏͏͏ 𛱞͏͏͏𛰅 𛰜𛱁‌𛱊𛱁 𛰅𛱄‌𛰂𛱁 𛱛‌𛰅𛱛𛰅 𛰇𛱆𛰈. 𛱊𛱁‌𛰅𛱁 𛰚𛱁‌𛰚𛱇𛰣 𛱛‌𛰅𛱛𛰅 𛱝𛰆𛰄. “𛱆𛰅‌𛰃𛱂?! 𛰙𛱁‌𛰜𛱁‌𛰣𛱇 𛱝𛰆𛰄! 𛰆𛱇‌𛰆𛱇 𛰚𛱁𛱋‌𛰅𛱁 𛰀𛱁𛰚𛰃 𛰙𛱁𛱆‌𛰅𛱁!”

𛱊𛱁‌𛰅𛱁 𛱇𛰜‌𛰅𛱄𛰙 𛱊𛱁‌𛰅𛱁 𛰙𛱄𛰜‌𛰅𛱆𛰃 𛰂𛱆 𛱊𛱁‌𛰅𛱁 𛰃𛱇‌𛰅𛱆 𛰙𛱁‌𛰙𛱛𛰅 𛰂𛱛 𛱛‌𛰅𛱛𛰅 𛱝𛰆𛰄. 𛰂𛱆 𛱁‌𛱊𛱁𛰅 𛱊𛱁‌𛰅𛱁 𛰃𛱄𛰙‌𛰃𛱄𛰙 “𛰅𛱁𛰀 𛰙𛱆𛰃‌𛰆𛱂𛱆𛰃 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚? 𛰅𛰆𛱛͏͏͏‌𛰚𛱁𛰜 𛱛‌𛰅𛱛𛰅 𛱝𛰆𛰄 𛰙𛱁𛰅‌𛰙𛱁𛰅 𛱊𛱁‌𛰅𛱁. 𛰃𛰆𛱛𛰜 𛰚𛱁𛱋‌𛰅𛱁 𛰀𛱇𛰆𛰂 𛱊𛱁‌𛰅𛱁. 𛰃𛰆𛱛𛰜 𛱇𛰆𛱄͏͏͏ 𛰚𛱁𛱋‌𛰅𛱁 𛰙𛱁‌𛰙𛱛𛰅 𛰂𛱛 𛱛‌𛰅𛱛𛰅 𛱝𛰆𛰄.” 𛱊𛱁‌𛱜 𛱊𛱁‌𛰅𛱁 𛰅𛰆𛱂‌𛰃𛱜͏͏͏ 𛱇𛰜‌𛰅𛱄𛰙 𛰚𛱁𛱇𛰄 𛰂𛱆 𛱊𛱁‌𛰅𛱁 𛰙𛱁‌𛰙𛱛𛰅 𛰅𛱑𛰃 𛱛‌𛰅𛱛𛰅 𛱝𛰆𛰄 𛱊𛱁‌𛰅𛱁 𛱆‌𛰃𛰆𛱛͏͏͏‌𛱇𛰆. 𛰙𛱄𛰅𛰜𛰃 𛰃𛱁𛱆𛰙 𛱊𛱁‌𛰅𛱁 𛰙𛱁‌𛰙𛱛𛰅 𛰅𛱑𛰃 𛱛‌𛰅𛱛𛰅 𛱝𛰆𛰄 𛰂𛱛͏͏͏𛰜 𛱊𛱁‌𛰅𛱁 𛰜𛰆𛱇𛰂, 𛰂𛱆 𛱊𛱁‌𛰅𛱁 𛰚𛱁‌𛰚𛱇𛰣 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆. 𛰙𛱄𛰅𛰜𛰃 𛰃𛱁𛱆𛰙𛰜 𛱞𛰀𛰃 𛱊𛱁‌𛰅𛱁 𛰙𛱁‌𛰙𛱛𛰅 𛰅𛱑𛰃 𛱛‌𛰅𛱛𛰅 𛱝͏͏͏𛰆𛰄. 𛰂𛱆 𛱛‌𛰅𛱛𛰅 𛰃𛱂‌𛰚𛱁𛰜 𛰅𛰆𛱛𛰣‌𛰙𛱇𛰚 𛰛𛱄𛰙𛰂 𛰅𛰆𛱂‌𛰀𛱁‌𛰚𛱇 𛰅𛱄‌𛰂𛱁 𛱛‌𛰅𛱛𛰅 𛱝𛰆𛰄. 𛱊𛱁‌𛰅𛱁 𛱜‌𛱜 “𛱄 𛰅𛱁‌𛰃𛱂 𛱁‌𛱊𛱁𛰜 𛰅𛱜͏͏͏𛰛 𛰚𛱁𛱋‌𛰅𛱁! 𛱇𛰆𛱄͏͏͏ 𛰆𛱂𛱆𛰃 𛰅𛱄‌𛰂𛱁 𛱊𛱁‌𛱜, 𛱇𛰚𛰜𛱁𛱆𛰈 𛰅𛱄‌𛰂𛱁 𛱛‌𛰅𛱛𛰅 𛱝𛰆𛰄.” 𛰅𛱄‌𛰂𛱆𛰃 𛱛‌𛰅𛱛𛰅 𛰂𛱆 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛱞𛰀𛰃 𛰅𛰆𛱂‌𛰃𛱜͏͏͏ 𛰅𛰆𛱂‌𛰀𛱁‌𛰚𛱇. 𛱞͏͏͏𛰅 𛰜𛱁‌𛱊𛱁 𛰙𛱇𛰙‌𛰆𛱛𛰜 𛱊𛱁‌𛰅𛱁. 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛱁‌𛱊𛱁𛰅 𛰅𛰆𛱂‌𛰃𛱜͏͏͏ 𛱇𛰜‌𛰅𛱄𛰙 𛰜𛰃𛱄𛰚. 𛰅𛰆𛱁𛰜‌𛰅𛱁 𛰙𛱁‌𛰙𛱛𛰅 𛰂𛱁𛰃𛰆 𛱛‌𛰅𛱛𛰅 𛱝͏͏͏𛰆𛰄 𛰅𛱄‌𛰂𛱁 𛱛‌𛰅𛱛𛰅 𛰜𛰃𛱄𛰚. 𛰂𛱛͏͏͏𛰜 𛱊𛱁‌𛰅𛱁 𛰊𛱆𛰃‌𛱄͏͏͏𛰂, 𛱛‌𛰅𛱛𛰅 𛱝͏͏͏𛰆𛰄 𛰃𛱇‌𛰅𛱆 𛱁‌𛱊𛱁𛰅 𛰅𛱛‌𛰆𛱇 𛰜𛱁‌𛱊𛱁. 𛰂𛱆 𛰈𛰋𛱇𛰃 𛱁‌𛱊𛱁𛰜 𛰃𛱇𛰆 𛱛‌𛰅𛱛𛰅 𛰜𛰃𛱄𛰚. 𛱞͏͏͏𛰅 𛰅𛱁‌𛰃𛱂 𛱊𛱁‌𛰅𛱁 𛰅𛱛‌𛰆𛱇. 𛱁‌𛱊𛱁𛰅 𛱊𛱁‌𛰅𛱁 𛰄𛱄𛰆 𛰈𛱚𛰚 𛰂𛱆 𛱊𛱁‌𛰅𛱁 𛰣𛱁‌𛰅𛱄 𛰙𛱇𛰙‌𛰆𛱛𛰜.

𛱛‌𛰅𛱛𛰅 𛰃𛰆𛱛𛰚 𛰃𛱇‌𛰆𛱇‌𛰅𛱄𛰙 𛰃𛰆𛱁𛰂 𛱁‌𛱊𛱁𛰜 𛰃𛰆𛱛𛰜 𛰃𛱄𛰙‌𛰃𛱄𛰙. 𛱛‌𛰅𛱛𛰅 𛰙𛱁𛰚 𛱇𛰜‌𛰅𛱄𛰙 𛱛‌𛰅𛱛𛰅 𛱝𛰆𛰄 𛱊𛱁‌𛰅𛱁 𛰜𛰅𛱆𛰚 𛰂𛱆 𛰅𛰆𛱂‌𛰃𛱜͏͏͏. 𛱛‌𛰅𛱛𛰅 𛱄𛰆 𛰅𛰆𛱛𛰣‌𛰙𛱇𛰚 𛰙𛱁𛰅‌𛰙𛱁𛰅 𛱛‌𛰅𛱛𛰅 𛰅𛱆𛰅 𛰂𛱆 𛱜͏͏͏𛱊𛰚. 𛱊𛱁‌𛰅𛱁 𛰣𛱁‌𛰅𛱄 𛰃𛱂‌𛰚𛱁𛰜 𛰃𛰆𛱛𛰜. 𛰃𛱂‌𛰚𛱁𛰜 𛰂𛱆𛰆 𛰜𛱇𛱂‌𛰂𛱛𛰆 𛰃𛱄𛰙‌𛰃𛱄𛰙 “𛰅𛱜‌𛰚𛱇‌𛰜𛱇𛰙 𛱁𛰆‌𛰅𛱆 𛱇𛰆𛱄͏͏͏ 𛰚𛱁𛱋‌𛰅𛱁 𛰅𛰆𛱂‌𛰃𛱜͏͏͏ 𛰜𛱁‌𛱊𛱁 𛰅𛱄‌𛰂𛱁 𛱄𛱇‌𛰀𛱁𛰃 𛰅𛱄‌𛰂𛱆𛰃 𛱆𛰀𛰃. 𛱇𛰆𛱄͏͏͏ 𛰚𛱁𛱋‌𛰅𛱁 𛰂𛰆𛱇 𛰅𛱄‌𛰂𛱁 𛰜𛰃𛱇𛰅 𛰂𛱛͏͏͏𛰜 𛰚𛱁𛱋‌𛰅𛱁 𛰙𛱁‌𛰙𛱁 𛱜‌𛱜 𛰚𛱁𛱋‌𛰅𛱁 𛰂𛱛͏͏͏𛰜 𛱇𛰆𛱄͏͏͏ 𛰙𛱁‌𛰙𛱛𛰅 𛰅𛱁‌𛰅𛱜.”

𛰅𛱄‌𛰂𛱆𛰃 𛰅𛱁‌𛰅𛱜 𛱛‌𛰅𛱛𛰅 𛰜𛱇𛱇‌𛰜𛱇𛰙.

---