This post uses the Chinuk Pipa test font. See this post for how to get the font. Otherwise, see the transcription below.
𛰃𛱂𛰚𛱁𛰜 𛱁𛰚𛰅𛱁𛰃𛱇 𛰚𛱁𛱋𛰅𛱁 𛰃𛰆𛱁𛰂 𛰂𛱆𛰂𛱁 𛰂𛱆 𛱞𛰅 𛰃𛰆𛱛𛰜 𛱛𛰅𛱛𛰅 𛰜𛱇𛱇𛰜𛱇𛰙 𛰂𛱆𛰂𛱁 𛰆𛱄͏͏͏𛰆𛱄͏͏͏ 𛰅𛱄𛰂𛱁 𛰚𛱁𛱋𛰅𛱁: 𛰛𛱄𛰚 𛰃𛰆𛱁𛰂 𛰅𛱄𛰋𛱄͏͏͏𛰚𛱁 𛰜𛱇𛰅. 𛰅𛱜𛰚𛱇𛰜𛱇𛰙 𛰜𛰅𛱛𛰅𛱛𛰙 𛱊𛱁𛰅𛱁: 𛱊𛱁𛰅𛱁 𛰃𛰆𛱁𛰂 𛱊𛱁𛰅𛱁 𛰅𛱆𛰂𛱜͏͏͏𛰃. 𛰂𛱆 𛰅𛱄𛰂𛱁 𛱛𛰅𛱛𛰅 𛰜𛱇𛰅, 𛰅𛱁𛰅𛱜 𛰂𛱛͏͏͏𛰜 𛱊𛱁𛰅𛱁 𛰜𛰅𛱛𛰅𛱛𛰙 𛰀𛱚𛰜 𛱁𛰆𛰃𛱂 𛰂𛱆 𛰔𛱄 𛱊𛱁𛰅𛱁 𛰣𛱁𛰅𛱄 𛰃𛰆𛱛𛰜. 𛰚𛱁𛱋𛰅𛱁 𛰃𛱄𛰙𛰃𛱄𛰙 𛰂𛱛͏͏͏𛰜 𛰅𛱁𛰚𛱁𛱞 𛰃𛱇𛰆𛱇𛰅𛱄𛰙 𛰃𛰆𛱁𛰂 𛰜𛱇𛰅 𛰃𛱄𛰙𛰃𛱄𛰙 𛰅𛱄𛰂𛱁 𛱛𛰅𛱛𛰅: 𛰂𛱛͏͏͏𛰜 𛰅𛱄𛰂𛱆𛰃 𛱆𛰀𛰃 𛰚𛰜𛱁𛱆𛰅𛱁 𛰙𛱆𛰃𛰆𛱂𛱆𛰃 𛰅𛱄𛰂𛱁 𛰚𛰜𛱁𛱆𛰅𛱁 𛰀𛱚𛰜 𛰂𛱆 𛱞𛰅 𛰃𛰆𛱛𛰜 𛰂𛱛͏͏͏𛰜 𛰚𛰜𛱁𛱆𛰅𛱁 𛰅𛰆𛱂𛰃𛱜͏͏͏ 𛰅𛰆𛱂𛰀𛱁𛰚𛱇. 𛰈𛰋𛱇𛰃 𛰅𛱁𛰅𛱜 𛰙𛱆𛰃𛰆𛱂𛱆𛰃 𛰅𛱄𛰂𛱁 𛰜𛰅𛱛𛰅𛱛𛰙 𛰀𛱚𛰜 𛱛𛰅𛱛𛰅. 𛰛𛱄𛰚 𛱊𛱁𛰅𛱁 𛰃𛱄𛰙𛰃𛱄𛰙 𛰅𛱁𛰅𛱜 𛰂𛱆 𛱊𛱁𛰅𛱁 𛰙𛱁𛰙𛱛𛰅 𛰥𛱇𛰙 𛱛𛰅𛱛𛰅 𛰂𛱆𛰂𛱁.
𛰃𛰆𛱛𛰜 𛰅𛱁𛰚𛱁𛱞 𛰙𛰜𛱁𛱆𛰅𛱁 𛰅𛰆𛱂𛰃𛱜͏͏͏ 𛰃𛰆𛱁𛰂 𛰅𛱆𛰂𛱜͏͏͏𛰃 𛰂𛱆 𛰅𛰆𛱛͏͏͏𛰚𛱁𛰜 𛰚𛰜𛱁𛱆𛰅𛱁 𛰃𛱄͏͏͏𛰆𛱄͏͏͏ 𛱛𛰅𛱛𛰅 𛰜𛱇𛰅. 𛰂𛱛͏͏͏𛰜 𛱇𛰆𛱄͏͏͏ 𛰙𛰜𛱁𛱆𛰅𛱁 𛰙𛱁𛰙𛱛𛰅 𛰅𛱁𛰅𛱜, 𛰅𛰆𛱛͏͏͏𛰚𛱁𛰜 𛱞𛰀𛰃 𛰙𛰜𛱁𛱆𛰅𛱁 𛰃𛰆𛱁𛰂 𛰜𛱇𛰅. 𛰅𛰆𛱛͏͏͏𛰚𛱁𛰜 𛱞𛰀𛰃 𛰙𛰜𛱁𛱆𛰅𛱁 𛰣𛱁𛰅𛱄 𛰜𛰅𛱛𛰅𛱛𛰙 𛰀𛱚𛰜. 𛰅𛰆𛱛͏͏͏𛰚𛱁𛰜 𛰙𛰜𛱁𛱆𛰅𛱁 𛰅𛰆𛱂𛰃𛱜͏͏͏ 𛰅𛱄𛰂𛱁 𛰜𛱇𛰅 𛰀𛱚𛰜. 𛰅𛰆𛱛͏͏͏𛰚𛱁𛰜 𛰙𛰜𛱁𛱆𛰅𛱁 𛰣𛱁𛰅𛱄 𛰙𛱇𛰙𛰆𛱛𛰜. 𛰅𛰆𛱛͏͏͏𛰚𛱁𛰜 𛰙𛰜𛱁𛱆𛰅𛱁 𛰙𛱁𛰙𛱛𛰅 𛰙𛱇𛰙𛰆𛱛𛰜 𛰀𛰆𛱄𛱆𛰙𛱁 𛰃𛱇𛰆𛱇𛰅𛱄𛰙. 𛱇𛰆𛱄͏͏͏ 𛱇𛰀𛱇 𛱛𛰅𛱛𛰅. 𛱁𛱑 𛰃𛱇𛰆𛱇𛰅𛱄𛰙 𛱛𛰅𛱛𛰅 𛰜𛱇𛰅 𛰙𛱁𛰙𛱛𛰅 𛰙𛱇𛰙𛰆𛱛𛰜. 𛱁𛱑 𛱞𛰀𛰃 𛱛𛰅𛱛𛰅 𛰜𛱇𛰅 𛰙𛱁𛰙𛱛𛰅 𛰙𛱇𛰙𛰆𛱛𛰜 𛰂𛱛͏͏͏𛰜 𛱇𛰆𛱄͏͏͏ 𛰅𛱁𛰚𛱁𛱞 𛰚𛰜𛱁𛱆𛰅𛱁 𛰃𛰆𛱁𛰂 𛰅𛱆𛰂𛱜͏͏͏𛰃.
𛰣𛱁𛰅𛱄 𛰃𛰆𛱛𛰜𛰛𛱄𛰚!
𛰛𛱄𛰚 𛱊𛱁𛰅𛱁 𛰂𛱆𛰂𛱁:
Transcription of intro:
tanas ankati naika tlap pipa pi wik tlus ukuk siisim pipa lolo kopa naika: shon tlap korona sik. kwanisim skukum iaka: iaka tlap iaka kipwat. pi kopa ukuk sik, kakwa pus iaka skukum haws alta pi k’o iaka chako tlus. naika tomtom pus kanawi tilikom tlap sik tomtom kopa ukuk: pus kopit iht nsaika mitlait kopa nsaika haws pi wik tlus pus nsaika klatwa klahani. drit kakwa mitlait kopa skukum haws ukuk. shon iaka tomtom kakwa pi iaka mamuk tsim ukuk pipa.
tlus kanawi msaika klatwa tlap kipwat pi klunas nsaika tolo ukuk sik. pus ilo msaika mamuk kakwa, kluas wiht msaika tlap sik. klunas wiht msaika chako skukum haws. klunas msaika klatwa kopa sik haws. klunas msaika chako mimlus. klunas msaika mamuk mimlus hloima tilikom. ilo ihi ukuk. ayu tilikom ukuk sik mamuk mimlus. ayu wiht ukuk sik mamuk mimlus pus ilo kanawi nsaika tlap kipwat.
chako tlus shon!
shon iaka pipa:
The Kaltash Wawa 